ماڵپه‌ڕی فەرمی جەماعەتی ده‌عوەت و ئیسلاح

دانیشتنی لێژنەی کارگێڕیی جەماعەتی دەعوەت و ئیسلاحی پارێزگای سیستان و بەلووچێستان لەسەر تەوەری بەردەوامی چالاکییەکانی «بنکەی پشتیوانی»، ڕۆژی هەینی ۶ی پووشپەڕی ۱۴۰۴ بە بەڕێوبەرایەتی بەڕێز غوڵامڕەزا ئیخوان، بەرپرسی پارێزگایی جەماعەت و بە بەشداری بەڕێز ئەمیری، ئەندامی شوڕای ناوەندیی لە ئیرانشار بەڕێوە چوو.

جەماعەتی دەعوەت و ئیسلاح بەرامبەر تاوانی ڕژێمی زایۆنی ئیسڕائیڵ بۆ تیرۆری زانایانی وڵات و کوشتنی شارۆمەندانی بێ‌تاوان، وێڕای ئیدانەکردنی ئەو تاوانە ئاشکرایە، جەختی لەسەر وڵامدانەوەی بەهێز لەلایەن ئێران لە چوارچێوەی یاسای نێونەتەوەییەوە کرد و وێڕای سەرەخۆشی لە بنەماڵەی داخ‌لەدڵان، خوازیاری وەخەبەرهاتنی ویژدانی گەلی موسوڵمان و پیاهاتنەوە بۆ دەقەکانی دادپەروەری و بەرپرسیارەتی بوو.

مامۆستا عەبدوڕڕەحمان پیرانی ئەمینداری گشتیی جەماعەتی دەعوەت و ئیسلاح، لە پەیامێکدا بە بۆنەی جەژنی قوربان، ئەو ڕۆژە گەورەی خویابوونی ئیخلاسی ئیبڕاهیمی و دەرفەتێک بۆ قوربانیکردنی دووبەرەکی و خۆویستی و لاوازی زانی. بەڕێزیان بە ئاماژە بە دەرد و ئازار و مەینەتی گەلی موسوڵمان، داوای گەڕانەوەی بەرەو یەکیەتی، بەندایەتی ڕاستەقینە و پشتیوانی لە ستەملێکراوان کرد.

بە بەشداری ئەمینداری گشتیی جەماعەت، دانیشتنی هاوبەشی جێگریی ئیداری دارایی ناوەندیی و پارێزگایی جەماعەتی دەعوەت و ئیسلاح ڕۆژی پێنجشەممە ۸ی جۆزەردانی ۱۴۰۴ بەرێوە چوو.

لە یەکەمین دانیشتنی بەرپرسانی پێوەندییە گشتییەکانی جەماعەتی دەعوەت و ئیسلاح کە ۲۵ی گوڵانی ۱۴۰۴ بەڕێوە چوو، مامۆستا پیرانی، ئەمینداری گشتیی جەماعەت دۆخی ناوچەیی و ناوخۆی وڵاتی تاوتوێ کرد و جەختی لەسەر پێویستیی یەکڕیزی و چالاکبوونی ڕێکخراوەیی و سەرنجی تەواو بە ئەرکی قورسی چالاکوانانی بەشی پێوەندییە گشتییەکان کرد.

دانیشتنی هاوبەشی پێوەندییە گشتییەکانی ناوەندی و پارێزگایی جەماعەتی دەعوەت و ئیسلاح ڕۆژی پێنجشەممە ۲۵ی گوڵانی ۱۴۰۴ بەڕێوە چوو.

لە سەرەتای حەوتەی پێوەندییە گشتییەکان، پێوەندییە گشتییەکانی جەماعەتی دەعوەت و ئیسلاح بە دەرکردنی پەیامێک، ئەو بۆنەیەی بەرز نرخاند و جەختی لەسەر ڕۆڵی سەرەکی پێوەندییە گشتییەکان لە متمانەسازی، ڕوونکاری ڕێکخراوەیی و پتەوبوونی پێوەندییەکان لەگەڵ کۆمەڵگا کرد.

دکتۆر سەتتار ئایینەپوور، ئەندامی شوڕای ناوەندیی جەماعەتی دەعوەت و ئیسلاح، لە وتارێکی کە لە سەیرانی بنەماڵەیی جەماعەت لە پاوە ئاراستەی کرد، جەختی کرد: «چوونە ناو ڕێبازی ئیمان بە زەوق و تامەزرۆییەوە دەست پێ دەکا، بەڵام ڕێگەی گەیشتن بە ترۆپکی مەعریفە، سەرڕێژ لە کۆسپ و لەمپەڕە و پێویستیی بە بەردەوامی و ڕاوەستاوییە».

بەربەیانی ڕۆژی پێنج‌شەمە بە بانگەشەی ڕێکخراوەی سڵامەت و واران ،ڕێپێوانێک لە مەزارگەی مەڵامەڤسووڎ تا هانە براڵوو بەرێوە چوو.

دوای بڵاوکردنەوەی ناوەڕۆکێکی سووکانە بە حەزرەتی ئەبووبەکری ڕاستگۆ یاری پێغەمبەر(د.خ) لە ئەشکەوت لە لایەن دەنگ و ڕەنگی فەرمییەوە، شوڕای ناوەندیی جەماعەتی دەعوەت و ئیسلاح وێڕای ئیدانەی توندی ئەو کارە، داوای کرد کە بەشێوەی فەرمی داوای لێبووردن بکرێ و مامەڵەی توند لەگەڵ دەزگا پێوەندیدارەکان بکرێت و پێش بە دووپاتبوونەوەی وەها کارێک بگیرێت.